Ուիսթեն Հյու Օդեն. Wystan Hugh Auden

(1907-1973թթ. Անգլիա)
լուսանկարում՝ Քրիսթոֆեր Իշերվուդն ու Օդենը
Թաղման բլյուզ

Կանգնեցրեք բոլոր ժամացույցները, հեռախոսներն անջատեք,
շան հաչոցը կտրող հյութեղ ոսկոր նետեք:
Դաշնամուրներ, լռեք, և դուք էլ, թմբուկներ:
Դագաղը հանեք, թող առաջանան ողբասաց կանայք:

Թող սավառնակը տխուր մի շրջան երկնքում գծի՝
խզբզելով լուրը՝ ՆԱ ՄԵՌԱՎ:
Սգո ժապավեն ամրացրեք սպիտակ աղավնիներին:
Ճանապարհային ոստիկանները
թող կրեն բամբակե սև ձեռնոց:

Նա իմ հյուսիսն էր, իմ հարավն էր նա, իմ արևելքն էր, արևմուտքը իմ,
աշխատանքային շաբաթն էր նա իմ և իմ հանգստյան կիրակին,
իմ կեսօրն էր նա, կեսգիշերը իմ,
զրույցս, երգս:
Ես կարծում էի միամտորեն՝ սերը վերջ չունի: Սխալվում էի ես:

Էլ ինձ աստղեր պետք չեն, հանգցրեք դրանց:
Փաթեթավորեք լուսնին, արևին
ապամոնտաժել:
Դուրս թափեք ջուրը օվկիանոսների, անտառներն ավլեք,
զի ոչ մի լավ բան էլ իմաստ չունի:

1938թ.

անգլերենից թարգմ. հասմիկ սիմոնյանը

             Բենջամին Բրիթենը «Թաղման բլյուզի» հիման վրա գրել է երաժշտություն


No comments:

Post a Comment