Լուսանկարը՝ Արթուր Գևորգյանի |
·
Երանի հարցաշարում
քո անունը լիներ,
ու առանց պատրաստվելու
սերս պատմեի
·
քեզ գրկելուց հետո
նենց խաղաղ ու ներդաշնակ եմ,
թվում ա՝
հենց նոր եմ
եկեղեցուց դուրս եկել:
·
քեզ գրկելուց բացի
ոչ մի բան
պետք չի
երջանիկ լինելու համար
·
քեզ հետ
սիրում եմ
ամեն բան՝
աղմուկից
մինչև լռություն:
·
ասեցիր՝
գրողը քեզ տանի,
ու ես մոռացա հարցնել՝
ո՞ր գրողը,
մինչև հիմա սպասում եմ,
որ ինքը գա,
գտնի ինձ,
տանի
·
դաժան ա հեռախոսով ասել՝
գրկում եմ քեզ,
երբ կիլոմետրեր կան
մեր միջև:
·
Քեզ սիրելուց հետո
մայիսը դադարեց
հաղթանակների ամիս
լինելուց...
·
և
արձագանքեցին
լեռները,
իսկ
դու
դեռ
լուռ
ես
...
·
լույսերն անջատելու
կարիք չկա.
առանց քեզ
շաբաթը՝ յոթ օր,
օրը՝ քսանչորս ժամ
մոլորակի ժամ ա...
·
գիտեի՝
մեր օրերի
վերջին ռոմանտիկը
ես եմ,
գովազդից պարզվեց՝
Էրոս Ռամազոտին ա:
·
Երկու տարի առաջ,
երբ դեռ չգիտեիր,
որ սիրում եմ քեզ,
երբ ինքս էլ չգիտեի,
որ քեզ սիրում եմ,
դու հավանում էիր գրառումներս,
ի՞նչ եղավ հետո...
Էսօր
երջանկության
միջազգային
օրն ա,
ու
ես
չգիտեմ՝
ում գլխին ջարդեմ
տխրությունս
·
ավելի տխուր բան չկա,
քան էն փաստը,
որ քո կյանքում
կա
կարևոր մեկը,
ու
էդ մեկը
ես չեմ
...
·
քեզ մոռանալու համար
կինոթատրոն էի գնացել,
ֆիլմում անունդ տվեցին,
հետո էլ թե՝
սիրո վրա դողալ է պետք,
հիմա դողում եմ
այն մտքից,
որ իմ սերը չես:
·
անցած գիշեր
առաջնագծում
խաղաղ էր,
սիրտս
քո կարոտից էր
թպրտում:
·
սեր իմ,
ներիր,
քո մասին
գրվելիք
տող
չես թողել
ներսումս...
·
կային ժամանակներ,
երբ ձեռքերիդ մեջ հայտնվելու համար
պատրաստ էի անգամ
թեյիդ բաժակը լինել,
հիմա
դատարկությունը
կաթիլ առ կաթիլ
լցնում է ներսս:
·
վերջերս
հաճախ եմ
մրսում,
չլինի՞
քեզ
մոռացել
եմ:
No comments:
Post a Comment